Impressum

      Aktualisiert: 09.07.2024

Mundart

Hochdeutsch

Gedichte

Geschichten

Gefunden - Gutt gefónn

Texte, die mir wichtig sind - die ich gerne weitergebe.
Herzlichen Dank an die Autoren für ihre freundliche Zustimmung.





Hanni Naschacker
Brave Mädcher

Kläne Buwe, wäs ma, werre meischdens greeser.
Wenn se Glick hann, genn se aach e bißje schlau.
Brave Mädcher werre manchmoo bißje beeser
Unn, wenn die schlau genn, nit e immer bravi Frau.

Willsch de glicklich werre, Mädche, musch de frech sinn,
Weil ma sunscht bestimmt de Flabbes mit dir macht.
Oder willscht de wirklich gär's "Hanni im Pech" sinn?
Allzu gut sinn, heischt nur ääns: Werscht ausgelacht.

Muscht das Ganze jo bestimmt nit iwwertreiwe.
Mit Verstand verloss dich uff dei Auemoos.
Awwer allzu grosi Guthät, die loss bleiwe,
Denn zum Dank krisch de oft heegschens was gebloos.

Doch vergess nit, 's is nit äner wie de anner,
Männer gebbd 's, wo nidd nur Mann sinn, sondern Mensch.
Drum sei schlau unn gugg in all dem Durjenanner,
Dass de, wenn's druff aankummd, die Sord schnell erkennsch.

Soll die bucklich Welt mol je in Ordnung kumme
Mädche, nemm dei Sach gleich selwer in die Hand.
Leit's an dir, hall's nit mit Schlechte un mit Dumme.
Un pack zu, pack zu mit Herz un mit Verstand.





Weihnachtsessen

de brauchschd net se òhnzen
da missden se vill ausgenn for et Fäschdessen
et lòngd emma noch for gudd sadd se genn
fäng-gen dabäschd mem Säggd òòn
for zweineineveerzich
for die Kläänen e Cola
for fünfesibbzich Cent de groß Flasch
als Vorschbeis Garneelen
offgeschbießd
for zweineineveerzich honnad Gramm
wie wär et dònn met Schweinsgyros
for véia-achdefochzich et Kilo
odda Puut
for véianeineneinzich
kònnschd Baguette dazou genn
drei for de Preis von zwei
hennaher Litschis aus Madagaskar
et Kilo for dreidreiendreißich
odda e Paggung Eis
et Kilo for änndneinesibbzich
e paar Bloumen for se deggorieren
dreineineneinzich zwònzich Schdegg
fär gehòndeld
breng vorsichtshalwa noch e Pageed Kreschbòòmkurreln met
die for zweineineneinzich
ich männen die käämen aus Indien
ma well jò die Leid aach e besselchen onnaschdeddzen
dònn gudden Abbedid
on scheen Feierdaah





O Heimadland (2015)






E Engel

E Engel,
wo de Weg
findt
zu mir doher,
wo kummt
leicht un leis,
e Windhauch vum Herrgott,
wo was mich queelt
zudeckt mit allmächtische Fliijl,
wo mich an de Hand nemmt,
eraus fiihrt aus Naacht un Weh!
E Engel
winsch ich mir manchmol.

E Engel,
wo de Weg
findt
zu dir dorthin,
wo kummt
leicht un leis,
e Windhauch vum Herrgott,
wo was dich queelt
zudeckt mit allmächtische Fliijl,
wo dich an de Hand nemmt,
eraus fiihrt aus Naacht un Weh!
E Engel
weer ich gern manchmol.







Ringelsäggscher
Ringelsöckchen - 1982

Es is schunn e Unnerschied,
ob e Bauremääde uff'em Dorf
Ringelsäggscher an de Fiis had
unn Gloddsche
- odder e fein Frolleinsche.

Es is schunn e Unnerschied,
ob änner e Lodemandel aanziehd,
weil's pragdisch is,
odder ob de Herr Kommerzienrat demid zeid,
dass'á volksnah is unn nadurvábunn.

Es is schunn e Unnerschied,
ob änner in'eme alde Haus wohnd,
weil'á sisch villeischd
känn neies leischde kann,
odder ob'á e paa Daa im Jòhr uff rusdikal machd.

Es is schunn e Unnerschied,
ob änner Pladd schwäddsd,
weil's sei Spròòch is,
odder ob'á sisch, wenn's mòò grad pasd,
dezu herablossd unn e bisje so machd, als ob ...

Es is schunn e Unnerschied,
e Riese'unnerschied.







Selbstgespräch

Et geht der gutt.
Et éss alles én Ordnung.
Et fäält der naischt.
Et kénnt net besser sénn.

De sischt gutt aus.
De béscht gesónd.
Et Konto stémmt.
Et fäält der naischt.

De hascht wat de brauchscht:
E scheen Haus, e große Gaaten
Kénner wo geròòt sénn.
Et éss alles én Ordnung.

Mét de Nòòpern kémmschte aus.
De hascht de bescht Kollejen.
Mét der Fraa haschde dich arrangiert.
Et kénnt nét besser sénn.

Verwandschaft kémmt der nét én't Haus.
Räsen kannscht de wann de wéllscht
Läsen därfscht de wat de maanscht.
Et geht der gutt.

Belienschde dich scho nòmmò selwer?







Gans glään
Ganz klein - 1987

Mei gläänes Lääwe,
's is glään,
awwer es is meins.

Mei äänsisches.
Unn firr misch
muss'es reische.

Mei Horidsond,
der reischd grad so weid,
wie isch gugge kann.

Awwer so schlau
bin isch aa,
dass isch wääs:
Hinnedraan
kummd aa noch ebbes.

Unn im Weidergehn,
váännerd sisch
mei Horidsond.

Isch kann misch
manschmòò leide.
Unn mansche annere Leid
manschmòò aa.

Das is vill.

E gläänes Lääwe,
das is'es eewe.
Awwer es is meins.








Erntedank

Zeit
fer merci ze saan

merci fer all dat Gudds
wat us widderfahr,
fer all dat Iwwel
wat us erspart bliew éss

merci fer all die Knochen
wo noch ganz sénn,
fer all die Käpp
wo noch selwer denken dérfen

merci fer de Hoffnung
de Widderstand
de Kurasch
de Kraft
de Wut
wo us am Lääwen hallen

noch

et éss Herwescht








Schtriichla


Zum Altwära
bruuchts

an gsunda Tääl
Ääga-liabe

damit
di schtriichla kaascht

wenn d Händ
um di ummi

iigschlôôfa sind







e Kléck zeréck


Arbeiterhänn (Gérard Carau)

Rigg mòò bißje (Peter Eckert)